Çärşämbe 25 ğinwar könne fälestin cirlärendä uzğan parlament saylawlarında Hamas islam suğışçıları xäräkäte tawışlarnıñ küpçelegen alğan dip xäbär itelä. Hamasnıñ matbuğat wäkile Sami Abu Zuhri, Hamas fälestin parlamentındağı 132 urınnıñ 75en alaçaq, dip belderde. Ul arada premyer-ministrı Ahmed Qurei, fälestin xökümäteneñ wazifadan kitüen iğlan itte. Fälestin xakimiäte başlığı Mahmud Abbas, Qureinıñ urınınnan kitüen raslağan, dip xäbär itelä. Saylawlarğa kilgän xalıqara küzätüçelär törkeme başlığı AQŞnıñ elekke prezidentı Jimmy Carter, tawış birü ğädel häm açıq buldı, dip belderde.
Fälestin keşe xoquqları üzäge başlığı Raji Surani, Azatlıq radiosına, saylawlarnıñ ähämiäte turında menä närsälär äytte:
"Kiçä 25 ğinwar köne, minemçä fälestinnärneñ säyäsi tarixı öçen möhim ber kön buldı. Fälestinnär ğadel, açıq saylawlar uzdırdı. Fälestin xalqı açıq itep üz telägen belderde. Tawış birü tınıç uzdı. Köne buyına ber genä dä köç qullanu oçrağı yä saylaw qanunı bozu bulmadı."
"Kiçä 25 ğinwar köne, minemçä fälestinnärneñ säyäsi tarixı öçen möhim ber kön buldı. Fälestinnär ğadel, açıq saylawlar uzdırdı. Fälestin xalqı açıq itep üz telägen belderde. Tawış birü tınıç uzdı. Köne buyına ber genä dä köç qullanu oçrağı yä saylaw qanunı bozu bulmadı."