12 aprel' — Kosmonavtika köne. Berençe keşe — Yuri Gagarinnıñ ğälämgä oçuına töp-tögäl 45 yıl tuldı.
Başqortstannıñ Böre şähärendä berençe kosmonavtnı kürep belgän keşe yäşi. Ul otstavkadağı meditsina polkovnigı Remez Gıymaev. Gıymaev kosmonavtika institutında eşlägän. Yuri Gagarin häm başqa kosmonavtlarnıñ sälämätlegen tikşergän törkemdä eşlägän. Ul Gagarin turında xäterläwläre belän büleşep, anı matur yöz-başlı, mölayım keşe ide dip xäterli.