Ğiraq xakimiätläre ildä ğiraqlılar häm amerikannar qaramağında bulğan törmälärdän 600-läp totqınnı azat itä başladı.
Bu premyer ministr Nuri äl-Mälikineñ sişämbe könne iğlan itkän totqınnarnı yawlıqawnıñ ber öleşe bularaq başqarıla.
Barlığı 2500-läp ğiraqlı totqın azat itelergä tieş.
Äl-Mäliki bu adım tatulaşuğa häm milli dialogqa ireşü maqsatındağı adımnarnıñ berse dide.
Anıñ äytüençä, irekkä çığarıluçılarnı ber komitet saylıyaçaq häm Säddam Xösäin belän anıñ Baat pariäse tarafdarları irekkä çığarılmıyaçaq.