Ğiraq premyer minsitrı Nuri Kamil äl-Mäliki pänceşämbe könne yaña ğiraq xökümätendäge töp ministrlarnıñ bilgelänüe Ğiraqnı tözekländerü eşeneñ başı buldı dide.
Ğiraq parlamentı Cäwad äl-Bolaninı eçke eşlär ministrı, general Ğabdel Qadir Möxämmät Cäsimnı saqlanu ministrı, Şirwan äl-Wäiline däwlät iminlege ministrı itep bilgeläde.
Times basması aşa äl-Mäliki üzeneñ tatulaştıru häm iminlekne torğızu plannarı belän urtaqlaştı.
Alar arasında ilneñ iminräk töbäklärendä infrastrukturanı yaxşırtu, Ğiraqta korrupsiägä qarşı küzätüçe şuranı canlandıru, qorallı törkemnärne taratıp alarnıñ äğzaların däwlät iminlek xezmätlärenä urnaştıru niätlänä.
Äl-Mälili Bağdadta häm anıñ tiräsendä milli çistartularğa çik quyarğa da wäğdä birde.
