Başqortstan rayonnarında da, Ufada da soñğı könnärdä yul faciğäläre sanı bermä-ber arttı. Atnakiç könne Ufanıñ töp uramı – Oktäber prospektında, “Yurüzän” säwdä üzäge qarşında “Lend Krauzer” djibı beryulı öç keşene – ike balası belän barğan ber xatın-qıznı bärdergän. Cäyäwlelär tieşle urınnan çığıp barğan bulğan, ämma djip maşinası alarnı ütkärep cibäräse urınğa, kiresençä tizlekne arttırğan. Bäxetkä, cäyäwlelär isän qalğan, ämma alar törle däräcä cäräxätlär alıp, xastaxanälärgä ozatılğan.
Fänis Fätxi, Ufa