BMOnıñ qaçaqlar bülege başlığı Antoníu Gutteriş Ärmänstan prezidentı Robert Koçaryan belän Tawlı Qarabax problemaları turında söyläşte. Erevända ütkän mätbuğat oçraşuı waqıtında Koçaryan, qaçaqlar probleması respublika öçen aktual' bulıp qala, dide. Häm anı xäl itüdä BMOğa räxmät belderde. Gutteriş üz çiratında, Ärmänstan belän Äzerbäycannıñ ber-bersenä ışanuına ireşüneñ ähämiätenä basım yasadı. “Bez, älbättä; Tawlı Qarabax, problemasınıñ tınıç yul belän xäl itelüen telibez. Küçep kitkännärneñ qaytuına ireşü turındağı kileşü, äzerbäycan häm ärmän cämğeyätläreneñ, uzara ışanıç nigeze bulır. Kiläçäktä bezgä bu nizağnı tulısınça beterergä yärdäm iter”,- dide Antoníu Gutteriş.
