Comğa kiçen Başqortstannan zur ğına törkem tatarlar häm başqortlar teploxodta İzge bolğar cirenä çirattağı säyäxätkä çığıp kitte.Ufadağı “Ramazan” törki milli-ağartu cämğiäte oyıştırğan älege säyäxät Ğabdulla Tuqay isemen yörtüçe teploxodta uza. 25 avgusttan 1 sentäbergä qädär däwam itäçäk säyäxät bu yulı kürenekle cırçı häm cämäğät eşleklese Salawat Fätxetdinov icatına bağışlana.
Teploxod säyäxäte, härwaqıttağıça, ber ük marşrutta ütäçäk. Säyäxätçelär Tatarstan cirendä Çallığa, Tübän Qamağa, Bolğarğa kerä, annan soñ Qazanğa barıp citep, andağı mädäni çaralarda, oçraşularda qatnaşa.
Teploxodtağı bu säyäxät bik küñelle ütär, dip uylıy säyäxätçelär. Bu könnärdä Başqortstanda da, Tatarstanda da cäy urtasındağı kebek esse könnär tora. Läkin şuşı säyäxätneñ küñelle buluı könnärneñ matur toruına ğına bäyle tügel, bilgele. “Anıñ programması da bik küñelle häm eçtäşlekle”, - di şuşı säyäxättäge mädäni çaralar öçen cawaplı bulğan näfi süz ostası häm tanılğan jurnalist Lena Fatıyxova.
Fatıyxova – Mäğlüm buluınça, “Ramazan” üzäge elekke yıllarda da şundıy icadi säfärlär oyıştırıp tora ide häm alar bik küñelle ütä ide. Ämma bıyılğısı tağın da küñelleräk häm eçtäşlekleräk bulaçaq. Tanılğan cırçıbız Salawat Fätxetdinovnıñ icatına bağışlana ul. Salawat äfändeneñ üzeneñ qatnaşuı da bik küñelle bula. Ä kürenekle şäxeslärebezdän tanılğan sänğät ostaları häm legendar cırçıbız Färidä apa Qudaşeva da buluı bu säyäxätneñ märtäbäsen arttıra.
Başqortstannan İzge Bolğar cirenä häm Qazanğa teploxodta başlanıp toruçı säyäxät xaqında anıñ mädäni programmaları öçen cawaplı keşe, tanılğan jurnalist Lena Fatıyxova söyläde. Ufadağı “Ramazan” milli ağartu üzäge oyıştırğan älege säyäxät bu yulı tanılğan cırçı Salawat Fätxetdinov icatına bağışlana. 1 sentäbergä qädär däwam itäçäk ul.
Fänis Fätxi, Ufa