BMO general sekretare Kofi Annan, comğa könne Süriä başqalasında, Xizbulla häm İzrail arasındağı kileşüne tormışqa aşıru problemaların tikşerde. Annan Süriä prezidentı Başar Äl Äsädne Libanğa qoral birüne tuqtatırğa çaqırdı. Kofi Annan bolay dide: “Süriä prezidentı miña Şäm-şärifneñ yaqın arada aldağı çaralar küräçägen äytte: çik buyı ğaskärläreneñ sanı arttırılaçaq, Liban xärbiläre häm Libannıñ çik buyı xezmäte belän bäyläneşlär cayğa salınaçaq. Şulay uq, Liban çiklären nığıtuda yärdäm itüçe, xalıqara oyışmalarnıñ xezmätkärläre belän dä, bäyläneşlär urnaşaçaq”,- dide BMO general' sekretare
Kofi Annan wäkile süzlärençä, Süriä prezidentı, BMOnıñ izrail-liban nizağın caylaw rezolutsiase taläplären ütärgä äzer buluın, beldergän. Aldaraq, üzen Xizbullanı qoral belän täemin itü turındağı ğäyepläwlärne kire qaqqan Şäm-şärif, liban-süriä çigenä xalıqara tınıçlıq köçläre urnaştıru qararın “doşmanlıq ğämäle” dip beldergän ide.
Kofi Annan wäkile süzlärençä, Süriä prezidentı, BMOnıñ izrail-liban nizağın caylaw rezolutsiase taläplären ütärgä äzer buluın, beldergän. Aldaraq, üzen Xizbullanı qoral belän täemin itü turındağı ğäyepläwlärne kire qaqqan Şäm-şärif, liban-süriä çigenä xalıqara tınıçlıq köçläre urnaştıru qararın “doşmanlıq ğämäle” dip beldergän ide.