Gruziä prezidentı Mixail Saakaşvili, Mäskäwneñ Rusiädä yäşäwçe gruzinnarğa qarata çaraların "rasaçıl" dip atadı häm Yevropa illärennän yaqlaw soradı. Rusiä prezidentı Vladimir Putin, üz çiratında, Yevropada İminlek häm xezmättäşlek Oyışmasın, Gruziägä "cawapsız säyäsäte" öçen basım yasarğa çaqırdı. Comğa könne Rusiädän 130dan artıq gruzin keşese terkälmiçä yäşäwdä ğäyeplänep, Gruziägä cibärelde. Gruziä watandaşlarına Rusiägä vizalar birü tuqtıtaldı, dip xäbär itelä. Milisiä gruzin restorannarında tikşerülär uzdıra.
