Başqortstannıñ Oktäbrskiy şähäre mäxkämäse Ähliullinnar eşen qarıy. Elekke militsiä xezmätkärläre bertuğan Azamat häm Salawat Ähliullinnar eşquarlarnı qurqıtıp aqça cıyu belän şöğellängän. Alar qulınnan barlığı tuğız keşe zıyan kürgän. Mäsälän, alar Zöfär Safin fatirı işegenä ut törtkännär. Berniçä könnän anı häm qızın bitlek kigän öç keşe beysbol küsäkläre belän tuqmap 150 meñ sum aqça taläp itkän. Ähliullinnar berençe mäxkämä qararınnan soñ irekkä çığarılğan bulğan. Alar irekkä çığu belän Zöfär Safin üze yäşägän yortnıñ tuğızınçı qatınnan sikerep märxüm bulğan. Märxümneñ advokatı Konstantin Gorobes mäxkämä äyterseñ dä, ğäyeplene tügel, ä zıyan kürüçene tikşerä dip beldergän.
Mönir Wafin, Ufa
Mönir Wafin, Ufa