AQŞ prezidentı George Bush Ğiraqnıñ elekke citäkçese Säddam Xösäinne asu abruyğa tap töşermäslek itep oyıştırılırğa tieş ide dide.
Aq Yortta Germaniä Kanslerı Angela Merkel belän urtaq matbuğat oçraşuında Bush Xösäin ğädel räweştä xökem iteld dip belderde.
"Min, älbättä, cäzalawnıñ abruyğa tap töşermäslek itep başqarıluın telär idem. Ämma ni genä bulmasın, ul ğädel xökem itelde, ul ütergän meñnärçä keşe mondıy ğädellek kürmäde" dide Bush.
Bush Ğiraq xakimiätlären cäzalaw waqıtında bulğan xällärne tikşerergä çaqırdı.
