Җомгада Русия Прокуратурасы карамагындагы Тикшерү комитетының Татарстан идарәсе үз эшен башлап җибәрде. Шул уңайдан Татарстан Президенты Минтимер Шәймиев Казан Кирмәнендә республика прокуроры Кафил Әмировны һәм яңа эшли башлаган идарә җитәкчесе Владимир Киршинны кабул итте. Татарстан Президенты юстициянең өлкән киңәшчесе Владимир Киршинны яңа вазифасы белән тәбрик итте. Билгеле булганча, моңа кадәр ул республиканың Лениногорск районы прокуроры булып эшләде.
