Tatar teatrına prokurorlar kilde. Kamal teatrı artistları Plätän törmäsendä
Düşämbene awır kön dilär urıslar. Tatarstanda eşläwçe meñgä yaqın prokuror xezmätkärläre bu könne Gäliäskär Qamal teatrı binasına cıeldılar. Biredä Rusiä prokuraturası yubileyına bağışlanğan kiçä buldı. Prokuraturanı da şul uq Petr 1 oeştırğan bulıp çıqtı. Äytergä kiräk, Tatarstan prokuraturasın citäklägän Qafil Ämirov tarixnı, tatar ädäbiätın häm telen yaxşı belä. Zamanında ul Udmurtiäneñ ber rayonında tatar gäzitendä eşlägän. Täcribäle prokuror bulğaç ta, ädäbiät häm jurnalistika belän qızıqsına. Qazandağı uramnar tarixı turında maxsus beleşmä-kitap yazıp çığarğan Qafil Ämirovqa soñğı yıllarda respublika qanunnarın xäzerge Rusiä vertikalçeläre quşqança protest küsäge belän suqqalarğa turı kilä.
Elekke prokuror Säyfixan Näfiev, kiresençä, Tatarstannıñ konstitutsion mäxqämäseneñ räise bularaq respublika qanunnarınıñ Tatarstan konstitutsiäsenä täñgäl buluın tikşerep tora. Xäzerge häm elekke Tatarstan prokurorlarınıñ xäle ciñel tügel.
Leonid Tolçinskiy alıp barğan «Tatarstan — İtogi nedeli» tapşıruında prokuratura bäyräme turında şundıy añlatma birelde. Rusiä prokurorı Ustinov xalıq qarşında çığış yasap yörüçe, yäğni publiçnıy prokuror bulıp kitte. Yä ul batqan köymä turında kino töşerä, yä ministrlarnı, oligarxlarnı, televidenie citäkçelären awlap yöri. Tolçinskiy fikerençä, mondıy publiçnıy prokuror 1930-nçı yıllarda eşlägän Andrey Vışinskiy ide. Mondıy çağıştıru usal bulsa da, faktqa qarşı barıp bulmıy.
Düşämbe könne Kamal teatrı artistları Qazannıñ ikençe sanlı tözätü koloniäsenä, xalıqça äytsäk, törmägä bardılar. Anda Tufan Minullinnıñ «Görgöri kiyäwläre» komediäse törmädä utıruçı mäxbüslärgä uynaldı. Uzğan yılda irektän mäxrüm itelgän cinäyätçelär aldında çığış yasarğa kürenekle cırçı Salawat barğan ide. Bu düşämbedä kamalçılar belän bergä dramaturg häm deputat Tufan Minnullin da koloniägä bardı. Törmä klubında, älbättä, anşlag bulğan. Keräşen tatarları tormışı turındağı «Görgöri kiäwläre» komediäse tamaşaçılarğa zur täesir yasağan. Tatar teatrın rus millätennän bulğan zaqlyuçennıylar da yotlığıp qarağan. Teatrnıñ administratorı İnsaf Xämitov äytüenä qarağanda, tatarça belmäwçelär 150 nauşniknı üz isemnärenä yazdırıp alğannar häm tamaşadan soñ 150-se dä tärtiptä kileş kire qaytarılğan.
Elekke prokuror Säyfixan Näfiev, kiresençä, Tatarstannıñ konstitutsion mäxqämäseneñ räise bularaq respublika qanunnarınıñ Tatarstan konstitutsiäsenä täñgäl buluın tikşerep tora. Xäzerge häm elekke Tatarstan prokurorlarınıñ xäle ciñel tügel.
Leonid Tolçinskiy alıp barğan «Tatarstan — İtogi nedeli» tapşıruında prokuratura bäyräme turında şundıy añlatma birelde. Rusiä prokurorı Ustinov xalıq qarşında çığış yasap yörüçe, yäğni publiçnıy prokuror bulıp kitte. Yä ul batqan köymä turında kino töşerä, yä ministrlarnı, oligarxlarnı, televidenie citäkçelären awlap yöri. Tolçinskiy fikerençä, mondıy publiçnıy prokuror 1930-nçı yıllarda eşlägän Andrey Vışinskiy ide. Mondıy çağıştıru usal bulsa da, faktqa qarşı barıp bulmıy.
Düşämbe könne Kamal teatrı artistları Qazannıñ ikençe sanlı tözätü koloniäsenä, xalıqça äytsäk, törmägä bardılar. Anda Tufan Minullinnıñ «Görgöri kiyäwläre» komediäse törmädä utıruçı mäxbüslärgä uynaldı. Uzğan yılda irektän mäxrüm itelgän cinäyätçelär aldında çığış yasarğa kürenekle cırçı Salawat barğan ide. Bu düşämbedä kamalçılar belän bergä dramaturg häm deputat Tufan Minnullin da koloniägä bardı. Törmä klubında, älbättä, anşlag bulğan. Keräşen tatarları tormışı turındağı «Görgöri kiäwläre» komediäse tamaşaçılarğa zur täesir yasağan. Tatar teatrın rus millätennän bulğan zaqlyuçennıylar da yotlığıp qarağan. Teatrnıñ administratorı İnsaf Xämitov äytüenä qarağanda, tatarça belmäwçelär 150 nauşniknı üz isemnärenä yazdırıp alğannar häm tamaşadan soñ 150-se dä tärtiptä kileş kire qaytarılğan.