Qazağıstannıñ Uralskiy şähärendä Gabdulla Tuqaynı iskä alu köne uzdı

Şuşı könnärdä Qazağıstannıñ Uralskiy şähärendä Gabdulla Tuqaynı iskä alu köne uzdırılğan. Şağirneñ häykäle yanında anıñ şigerläre häm tatar cırları yañğırağan. Çığış yasawçılar Gabdulla Tuqaynıñ näq şuşı şähärdä tatar poeziäseneñ ence börteklärenä äylängän häm tatar ädäbiäteneñ altın fondına kergän şigerlär yazğanın, Motığia mädräsäsendä uqığanın, tipografiädä häm ğazet-jurnal redaksiälärendä eşläwen bilgeläp ütkän. Uralskiydağı Tuqay üzäge räise Razzaq Äbüzärov Tatar-inform agentlığına aprildä Uralskiyda G.Tuqaynıñ tuuına 116 yıl tuluğa bağışlanğan poeziä könnäre uzaçaq, dip xäbär itkän.

“Azatlıq” radiosı öçen Qazannan Yunıs Ätnäle