“Näwrüz” festivale tämamlandı

Yäkşämbe kiçendä Qazanda törki xalıqlarnıñ “Näwrüz” festivale tämamlandı. 14 teatrdan kilgän truppalar 20-dän artıq spektakl' kürsättelär. Yaqın arada törki xalıqlarnıñ teatr festivale turında maxsus mäğlümätlär birerbez. Xäzergä küptän tügel Kamal teatrınıñ baş rejisserı itep raslanğan Färit Bikçäntäevneñ -- iñ yaxşı rejisser nominatsiäsendä, Tañ Yenikeevnıñ -- iñ yaxşı rässäm nominatsiäsendä, Tufan Miñnullinnıñ -- iñ yaxşı milli dramaturgiä äsäre nominatsiäsendä, jurinıñ maxsus prizı nominatsiäsendä -- Rinat Täcetdinovnıñ, İlsöyär häm Ramil Töxvätullinnarnıñ, iñ yaxşı kompozitor nominatsiäsendä -- Mäsxüdä Şämsetdinovanıñ ciñüen atap kitäse kilä. İñ yaxşı irlär rolen başqort teatrı artistı Xörmätulla Ütäşev, ä iñ yaxşı xatın-qız rolen Qırım tatar teatrı artistkası Aliä Timerkaeva başqarğan ikän.

Azatlıq radiosı öçen Qazannan Rimzil Wäli