Yañadan Qasıymğa säyäxät

Şimbä könne Qazannan, BTKnan Nijgar häm Qasıym yaqlarına ber törkem artistlar, ğalimnär, yäşlär säyäxätkä kitte. Nail Garipov, Aysılu Ğalieva, Räfis Cämdixanov häm başqalar şimbä könne Tübän Novgorodta mäxällä belän tanışıp, şunda çığış yasağannar, Qazannan alıp kilgän kitaplar, audio-kassetalar taratqannar. Ä yäkşämbe könne Mäskäw yanındağı Qasıym şähärenä barıp, andağı mäxälllä belän oçraşqannar, tatarlar tormışı belän tanışqannar. Qazan qunaqları Qasıym şähäre yanındağı Podlipki awılında bulıp, şul tirädäge awıllarda yäşäwçe millättäşlärebez belän dä oçraşqannar. Sişämbe könne Qasıym ekspeditsiäsendä qatnaşuçılar Qazanğa qaytıp citäçäk.