«Süz. Mädäniät häm cawaplılıq» digän oçraşuda ictimaği oyışmalar wäkilläre, jurnalistlar fiker alıştı
Pänceşämbe kiç Qazan yärminkäseneñ “Biznes märkäzendä» ber qızıqlı oçraşu uzdı. Anı älege dä bayağı «Созидание» ictimaği oyışması oyıştırğan ide. Çaranıñ iseme «Süz. Mädäniät häm cawaplılıq» dip ataldı. İlleläp keşe cıyılğan zalda Tatarstan kompartiäse, «Единство», «Согласие» xäräkätläre wäkilläre häm tanılğan jurnalistlar bar ide. Çığış yasawçılar bügen Rusiädä şaqtıy qatlawlı şomlı çor, ekstremizm, terrorizm yarlıqların tağu oçraqları sizemlänä, cämğıättä nindider qurqu tua başladı digän mäğnädä söylädelär. Şuşı wäzğıätttä jurnalistlar süzlären bik ülçäp äytergä, ictimaği firqälär, xäräkätlär ber-berse belän adımnarın koordinatsiälärgä tieş digän fikerlär dä yañğıradı.
Mondıy çorda jurnalistlarnıñ oçraşıp fiker alışuı, älbättä, kürkäm küreneş. «Созидание» berlege häm anıñ liderı Ayrat Şäripov şaqtıy mäşäqätle eşne üz cilkäsenä awdarğan. Gärçä mondıy çaralarnı jurnalistlar berlege oyıştırsa da naçar bulmas ide. Äytergä kiräk, «Созидание» häm anıñ liderı Çeçnädäge suğışnı tuqtatu, keşelärne, bigräk tä yäşlärne döres ruxta tärbiäläwne alğa sörep kilä. Şulay da bügengä xätle jurnalistlar da, säyäsmännär dä Şäripov häm anıñ oyışması artında «Kem tora?» digän sorawğa cawap taba almıylar. Ğadättä Ayrat aña «Alla» dip cawap birä.
Mondıy çorda jurnalistlarnıñ oçraşıp fiker alışuı, älbättä, kürkäm küreneş. «Созидание» berlege häm anıñ liderı Ayrat Şäripov şaqtıy mäşäqätle eşne üz cilkäsenä awdarğan. Gärçä mondıy çaralarnı jurnalistlar berlege oyıştırsa da naçar bulmas ide. Äytergä kiräk, «Созидание» häm anıñ liderı Çeçnädäge suğışnı tuqtatu, keşelärne, bigräk tä yäşlärne döres ruxta tärbiäläwne alğa sörep kilä. Şulay da bügengä xätle jurnalistlar da, säyäsmännär dä Şäripov häm anıñ oyışması artında «Kem tora?» digän sorawğa cawap taba almıylar. Ğadättä Ayrat aña «Alla» dip cawap birä.