Konyaq Koreya Prezidentı Kim De Jun Pxenyannıŋ atom tөş reaktorınıŋ eşen yaŋartu qararına tirәn borçılu belderde. Kөnyaq Koreya, yarımutrawda üsep bara torğan kiyerenkelekne beterü өçen, Quşma Ştatlar hәm Yaponiә belәn berğә eş itәrğә cienuın rasladı. Xalıqara atom agentlığınıŋ xәbәr itüwenә qarağanda, Tөnyaq Koreya Yoŋbondağı atom-elektr stansiәsenә yaŋadan yagulıq kiterde. Küptәn tügel, anda, BMO belgeçlәre quyğan maxsus cihazlar sütep alındı. Xalıqara atom agentlığı, Koreya yagulıq qaldıqların atom tөş qoralların yasaw өçen qullanırğa mөmkin, dip sanıy.
