Tatar telendä uzaçaq älege bäygene Tatarstannıñ Törkiädäge wäkilçelege oyıştıra. Bäyge şähärneñ «Akgün» otelendä ütäçäk. Anda ike komandağa bülengän 20-dän artıq millättäşebez üzara yarışaçaq. Şunısı qızıq, jürida tanılğan ğalim, professor Nadir Däwlät tä bulaçaq ikän. Oyıştıruçılar süzlärenä qarağanda, äzerlek çaraları şaqtıy uñışlı ğına bara. Qayber kiräk-yaraqnı Törkiädäge tatarlar xätta Tatarstannan da yünätkännär. Mäsälän, cır-biyu öçen kiräkle köylär Qazannan yazdırılıp cibärelgän. Şulay uq, yıraqtağı millättäşlärebezne sälämnärgä Tatarstan wäkilläre dä kiläçäk, dip kötelä.
Gölnaz İlgizär, Qazan
Gölnaz İlgizär, Qazan