Yugoslaviä Tışqı eşlär ministrı Goran Svilanoviç bügen Belgradta Quşma Ştatlarnıñ Xalıqara Tribunaldağı wäkile Pierre-Richard Prosper belän oçraştı. Kiçä Prosper, ägär elekke serb komandirı Radko Mladiç häm tağın 2 ğäyeplänüçe Haaga mäxkämäsenä tapşırılmasa, Quşma Ştatlar Yugoslaviägä digän yärdämen tuñdıraçaq, dip kisätkän ide. Suğış cinäyätlärendä ğäyeplängän bu keşelär Serbiädä qaçıp yata, dip sanala. Uzğan yılda Yugoslaviä Quşma Ştatlardan 40 million dollar yärdäm aldı.
