Şimbä könne “Yedinaya Rossiä” firqäseneñ Tatarstan bülegeneñ Säyäsi Şurası utırışı buldı. Vladimir Putin, Mintimer Şäymiev iseme belän xäräkät itüçe bu oyışma Tatarstanda äle haman qanat cäyep kitä almıy. Säyäsi Şura utırışında partiäneñ rayon, şähär bülekläre citäkçeläre qatnaştı. Ayuçılarnıñ respublika bülege citäkçese Yuriy Näcmiev partiä tözeleşen canlandıru turında çığış yasadı.
Mönbärgä kütärelüçelär arasında Norlat şähäre häm rayonı administratsiäse başlığı Fatix Sibğätullin istä qaldı. Norlatta “Yedinaya Rossiä” äğzäläre 2 meñgä citep bara ikän. Yäğni, saylawçılarnıñ 4 protsenttan artığı xäzer partiädä. Bu töbäktä gektarınnan 65 sentner ikmäk cıyıla. Sotsial' tormışta şaqqatırğıç üzgäreşlär kürenä. Elekke KPSS aktivistların, bigräk tä oyıştıru, apparat eşe täcribäsen tuplağannarın, Sibğätullin “Yedinaya Rossia”ğa cälep itä ikän. Oppozitsiägä çığıp tänqitläwçelärgä ul cawaplı xucalıq eşe täqdim itä häm üzeneñ komandasında eşkä cigä ikän. Şulay bulğaç, bu firqägä qarşı torırlıq keşelär Norlatta oçramas kebek. Uzğan saylawlarda Norlat saylawçılarınıñ 94 protsentı Vladimir Putinnı yaqlap tawış birgän. Ni ğäcäp, partiä eşläre respublika külämendä xäzergä bik zäğif xäldä. “Yedinaya Rossia”neñ apparat eşlären alıp barırğa Mäskäwdän aqça birelmi ikän. Eşlär bolay barsa, qorı administrativ resurs qına uçlap qalu qurqınıçı turında söyläştelär Politsovet utırışında. “Tatarstan - Yaña ğasır” ictimaği xäräkäteneñ rayon, şähär bülekläre “Yedinaya Rossia” firqäsenä kerep utırğannar. Ä respublika däräcäsendäge ğasırçılar xäzergä ayular qoçağına omtılmıy.
Şul uq utırışta “Jizn'” partiäseneñ Räfqät Altınbaev portretları töşkän kalendarlar häm firqä dokumentları tutırılğan konvertlarnı şähär häm rayonnardağı poçta tartmalarına tutıru turında da fiker alıştılar. Beräwlär, bu faydasız närsä, buş partiä häm bulmağan populistik ideyälärne demonstratsiäläw dip sanıy. İkençelär, “Jizn'” partiäse üzeneñ reklaması belän şaqqatırdı, cäncal çığardı. Dimäk, üz maqsatına ireşte, cämäğätçelekneñ iğtibarın cälep itte, dilär.
KPRFnıñ bülekçäse, kommunistlar da tik yatmıy. Raykov citäkçelegendäge “Narodnaya partia” da Tatarstanda üz keşelären eskä çığarırğa tırışa. Köz köne ütäçäk saylawlar aldınnan säyäsi bazar bik qızıp kitärgä oxşağan.
Mönbärgä kütärelüçelär arasında Norlat şähäre häm rayonı administratsiäse başlığı Fatix Sibğätullin istä qaldı. Norlatta “Yedinaya Rossiä” äğzäläre 2 meñgä citep bara ikän. Yäğni, saylawçılarnıñ 4 protsenttan artığı xäzer partiädä. Bu töbäktä gektarınnan 65 sentner ikmäk cıyıla. Sotsial' tormışta şaqqatırğıç üzgäreşlär kürenä. Elekke KPSS aktivistların, bigräk tä oyıştıru, apparat eşe täcribäsen tuplağannarın, Sibğätullin “Yedinaya Rossia”ğa cälep itä ikän. Oppozitsiägä çığıp tänqitläwçelärgä ul cawaplı xucalıq eşe täqdim itä häm üzeneñ komandasında eşkä cigä ikän. Şulay bulğaç, bu firqägä qarşı torırlıq keşelär Norlatta oçramas kebek. Uzğan saylawlarda Norlat saylawçılarınıñ 94 protsentı Vladimir Putinnı yaqlap tawış birgän. Ni ğäcäp, partiä eşläre respublika külämendä xäzergä bik zäğif xäldä. “Yedinaya Rossia”neñ apparat eşlären alıp barırğa Mäskäwdän aqça birelmi ikän. Eşlär bolay barsa, qorı administrativ resurs qına uçlap qalu qurqınıçı turında söyläştelär Politsovet utırışında. “Tatarstan - Yaña ğasır” ictimaği xäräkäteneñ rayon, şähär bülekläre “Yedinaya Rossia” firqäsenä kerep utırğannar. Ä respublika däräcäsendäge ğasırçılar xäzergä ayular qoçağına omtılmıy.
Şul uq utırışta “Jizn'” partiäseneñ Räfqät Altınbaev portretları töşkän kalendarlar häm firqä dokumentları tutırılğan konvertlarnı şähär häm rayonnardağı poçta tartmalarına tutıru turında da fiker alıştılar. Beräwlär, bu faydasız närsä, buş partiä häm bulmağan populistik ideyälärne demonstratsiäläw dip sanıy. İkençelär, “Jizn'” partiäse üzeneñ reklaması belän şaqqatırdı, cäncal çığardı. Dimäk, üz maqsatına ireşte, cämäğätçelekneñ iğtibarın cälep itte, dilär.
KPRFnıñ bülekçäse, kommunistlar da tik yatmıy. Raykov citäkçelegendäge “Narodnaya partia” da Tatarstanda üz keşelären eskä çığarırğa tırışa. Köz köne ütäçäk saylawlar aldınnan säyäsi bazar bik qızıp kitärgä oxşağan.