Waşington. Quşma Ştatlarda Columbia ğäläm korabınıñ şimbä könne hälakätkä oçraw säbäplären açıqlaw başlandı, ilneñ ğälämne tikşerü idaräse NASA mäğlümatına qarağanda, bügenge köndä kimendä 3 şundıy tikşerenü eşe açılğan. Berençesen idarä üze alıp bara, ikençese xärbi hawa wä xärbi diñgez köçläre, transport ministrlığı häm başqa federal’ idarälärneñ bäysez belgeçläre tarafınnan ütkäreläçäk. Moñardan tış Wäkillär palatasınıñ fän komitetı da Kongress öçen üz tikşerenüwen açqan. Ğäläm korabı qaldıqları töşkän ştatlarda federal’ agentlar häm däwlät guardiäse astronavtlarnıñ cäsadların tabarğa tırışa. Texas ştatında berniçä urınnan şundıy tabıldıqlar turında xäbärlär alındı. Ul arada NASA, hälakätneñ säbäpläre tulısınça açıqlanğançı bar oçışlarnı da tuqtatıp toruwın xäbär itte.
