Rusiä Yuğarı mäxkämäseneñ xärbi kollegiäse, Çeçen qızı Elza Kungaevanı üterüdä ğäyeplängän polkovnik Yuri Budanov eşen bügen, qabat tikşerügä cibärde. Uzğan yılnıñ dikäberendä Tönyaq Kavkaznıñ xärbi mäxkämäse, Budanov cinäyät qılğanda üz-üzen beleştermägän, digän qarar çığarıp, anı mäcbüri däwalanuğa cibärgän ide. Kungaevanıñ gailäse häm prokururlar bu qarağa şikäyät belderde. Protsess barışında ğäyepläwçe Budanovnı 12 yıl törmägä xökem itergä sorağan ide.