Nätiäcädä Quşma Ştatlarnıñ 4 xärbie hälak buldı. Höcüm Ğiraq üzägendäge Nacaf şähäre yanında buldı. Biredä Amerikanıñ 3-nçe cir öste diviziäse urnaşqan. Könbatış xäbär agentlıqları äytüençä, Nacafnıñ tönyağında, AQŞ xärbiläre Bağdadqa taba yaña höcümnärgä äzerlängän urında tikşerü qapqası yanına taksi maşinası kilep tuqtağan. Soldatlar tikşerü öçen maşina yanına yaqınlaşqaç maşinadağı keşe bomba şartlatqan.
Şuşı waqıyğadan soñ Ğiraq xökümäte bu ğämälne xuplawın belderde häm intixarçılar terrorınıñ kiläçäktä dä bulaçağın iğlan itte. Ğiraq vitse-prezidentı Taha Yassin Ramadan “doşmannı tuqtatuçı häm üterüçe barlıq ısullar da qullanılaçaq dide. Ğiraqlılar Amerikanıqınnan zurraq bombalar yasıy almıy, alar xäzer barı tik üzläre genä bombağa äwerelä ala dide Ramadan. Vitse prezident, şulay uq, başqa ğäräp illären AQŞqa qarşı suğışta yardäm itärgä çaqırdı häm başqa illärdän Ğiraqqa berqädär suğışçılar kilde inde dide.
Bügen Bağdadta Ğiraqnıñ mäğlümät ministrı Säit äs-Sahaf koalitsiä köçläre tar-mar iteläçäk dip belderde:
AUDİO: Amerikannar häm Britannar bezneñ ilgä bärep kerde. Alar Bağdadqa taba bara. Alar buar yılan kebek. Xäzer anıñ ozınlığı 500 çaqrımnan artıp kitte. Häm bez bu yılannı kisätklärgä turıyaçaqbız.
Ğiraq televideniese bügen Säddam Xösäinneñ ministrlar belän oçraşuın kürsätte. Anda Säddam çığış yasamadı. Diktor videotasmanıñ bügen töreşelgän buluın äytte. Ämma anıñ äytkännären başqa bäysez çığanaqlar aşa raslaw mömkin tügel.
Bügen Ğiraqnıñ ikençe zur şähäre Basra çolğanışta qala birä. Biredä Britan ğäskärläre xakimiättäge Baat partiäse suğışçılarınıñ qarşılığın cimerergä tırışa. Britan xärbi citäkçelege koalitsiä köçläre şähärgä bärep kerergä cıyınmıy, Ğiraq qarşılığın yomşartu taktikası alıp baraçaq dide. Bügen Britan köçläre qısqa waqıtqa ğına şähärgä bärep kerep anda Säddam Xösäinneñ ike sının häm 5 Ğiraq tankın cimerde. Bu Baat partiäse tarafdarlarına psixologik orım yasaw maqsatında oyıştırıldı. Britaniä häm Ğiraq köçläre ber-bersen artilleriä häm minaatqıçlar belän utqa totqanda şähärdäge tınıç xalıq annan kitüen däwam itte.
Ğiraq üzägendä häm könyağında qatı qarşılıqqa oçrağan aldınğı koalitsiä köçläre Bağdadqa taba xäräkättä tänäfes yasarğa mäcbür buldı. Xäzer bu köçlär tä’minät eşläre, azıq-tölek häm su alu belän şöğellänä, şulay uq östämä köçlär kiterelüen kötä dielä. AQŞnıñ 3-nçe cir öste diviziäsenä berketelgän Azatlıq radiosı xäbärçese Ron Synovitz bolay dip belderde:
AUDİO: Xäzerge waqıtta Ğiraqtağı AQŞ armiäse tönyaqqa taba xäräkättä tänäfes yasıy. AQŞ soldatları bu tänäfes waqıtında bar iğtibarların tanklarnı häm xärbi maşinalarnı tözätügä yünältä. Bu atnada qom burannarı waqıtında xäräkät itkändä alarnıñ qayberlärendä mexanik problemalar buldı.
Anıñ äytüençä, tänäfes waqıtında xärbilär üzläre belän tağın 5 köngä citärlek azıq-tölek häm su da alaçaq.
Qatarda AQŞ general-mayorı Victor Renuart jurnalistlarğa suğış qırında tänäfes bulmayaçaq disä dä aldağı könnärdä koalitsiä köçläreneñ tä’minät häm elemtä öçen könyaq Ğiraqta kübräk hawa alannarın kontrol’gä aluın belderde.
Bügen AQŞ prezidentı radio aşa atnalıq çığışında bolay dide:
AUDİO: Bez xäzer diktator armiäseneñ iñ qatı bülekläre belän bäreleşäbez. Bäreleş bik qatı bara. Häm bez anıñ küpme däwam itäçägen belmibez. Ämma bez bu suğışnıñ niçek betäçägen beläbez. Ğiraq xakimiäte qoralsızlandırılıp bärep töşerläçäk, Ğiraq irekle bulaçaq.
Cir öste ğäskärläre häm hawa desantı uzğan töndä Nacaf şähärendä Cömhüriät Saqçılarınıñ Mädinä diviziäse belän bäreleşte. Amerikan xärbi citäkçelge äytüençä biredä Ğiraqnıñ 25 tankı häm xärbi maşinası, 50-läp xärbie yuq itelgän. Nacaftan tönyaqtaraq Kerbala şähäre häm başqala Bağdad ta qatı bomba utına totıldı. Bağdad üzägenä häm könyağına bombalar, raketalar töşüe turında xäbär itelä. Ber raketa Ğiraqnıñ mäğlümät ministrlığı binasına tide. Mäğlümät ministrı Äs-Sahaf äytüençä, uzğan täwlek eçendä Bağdadta 62 keşe hälak bulğan, şul isäptän, tınıç xalıq arasında, comğa kiçendä ber bazarğa raketa töşü näticäsendä, 30 keşe hälak bulğan. Äs-Sahaf AQŞ xärbiläreneñ Ğiraq soldatları tınıç xalıq arasına yäşerenep ut aça digän belderüen kire qaqtı:
AUDİO: Ğiraq xärbiläre tınıç xalıq sıman kienä digän arzanlı propaganda faktlarğa häm döreslekkä berniçek tä turı kilmi.
Bügen Küwäyt şähäreneñ diñgez yarına Ğiraq raketası töşep şartlaw näticäsendä 2 keşe yaralandı. Quşma Ştatlar üzeneñ qayber Tomahawk raketalarınıñ yalğış Söğüd Ğärabstanına töşüen tanıp ul tirädä raketalar qullanunı çikläwen belderde. Törkiäneñ könyaq-könçığışndağı Buyuk Murdes awılı yanına kiçä tağın ber raketa yalğışıp töşkän ide. Törkiä xakimiätläre soñğı könnärdä inde 3 raketa töşte dip belderä. Raketa töşkän urınnı qararğa barğan AQŞ xärbilärenä cirle xalıq taşlar atıp höcüm itte.
Bügen Törkiä premyer-ministrı Recep Tayyip Erdogan parlamentta çığış yasap, ägär dä törkiäneñ mänfäğätlärenä qurqınıç yanasa Törkiäneñ tönyaq Ğiraqqa kerü xoquqı bar dip belderde. Törkiä Ğiraqtağı Körlärneñ kiñ avtonomiä aluı törkiäneñ könyaq-könçığışındağı körtlärne dä şuña ruxlandırır dip qurqa.
Naif Aqmal, Praga
Şuşı waqıyğadan soñ Ğiraq xökümäte bu ğämälne xuplawın belderde häm intixarçılar terrorınıñ kiläçäktä dä bulaçağın iğlan itte. Ğiraq vitse-prezidentı Taha Yassin Ramadan “doşmannı tuqtatuçı häm üterüçe barlıq ısullar da qullanılaçaq dide. Ğiraqlılar Amerikanıqınnan zurraq bombalar yasıy almıy, alar xäzer barı tik üzläre genä bombağa äwerelä ala dide Ramadan. Vitse prezident, şulay uq, başqa ğäräp illären AQŞqa qarşı suğışta yardäm itärgä çaqırdı häm başqa illärdän Ğiraqqa berqädär suğışçılar kilde inde dide.
Bügen Bağdadta Ğiraqnıñ mäğlümät ministrı Säit äs-Sahaf koalitsiä köçläre tar-mar iteläçäk dip belderde:
AUDİO: Amerikannar häm Britannar bezneñ ilgä bärep kerde. Alar Bağdadqa taba bara. Alar buar yılan kebek. Xäzer anıñ ozınlığı 500 çaqrımnan artıp kitte. Häm bez bu yılannı kisätklärgä turıyaçaqbız.
Ğiraq televideniese bügen Säddam Xösäinneñ ministrlar belän oçraşuın kürsätte. Anda Säddam çığış yasamadı. Diktor videotasmanıñ bügen töreşelgän buluın äytte. Ämma anıñ äytkännären başqa bäysez çığanaqlar aşa raslaw mömkin tügel.
Bügen Ğiraqnıñ ikençe zur şähäre Basra çolğanışta qala birä. Biredä Britan ğäskärläre xakimiättäge Baat partiäse suğışçılarınıñ qarşılığın cimerergä tırışa. Britan xärbi citäkçelege koalitsiä köçläre şähärgä bärep kerergä cıyınmıy, Ğiraq qarşılığın yomşartu taktikası alıp baraçaq dide. Bügen Britan köçläre qısqa waqıtqa ğına şähärgä bärep kerep anda Säddam Xösäinneñ ike sının häm 5 Ğiraq tankın cimerde. Bu Baat partiäse tarafdarlarına psixologik orım yasaw maqsatında oyıştırıldı. Britaniä häm Ğiraq köçläre ber-bersen artilleriä häm minaatqıçlar belän utqa totqanda şähärdäge tınıç xalıq annan kitüen däwam itte.
Ğiraq üzägendä häm könyağında qatı qarşılıqqa oçrağan aldınğı koalitsiä köçläre Bağdadqa taba xäräkättä tänäfes yasarğa mäcbür buldı. Xäzer bu köçlär tä’minät eşläre, azıq-tölek häm su alu belän şöğellänä, şulay uq östämä köçlär kiterelüen kötä dielä. AQŞnıñ 3-nçe cir öste diviziäsenä berketelgän Azatlıq radiosı xäbärçese Ron Synovitz bolay dip belderde:
AUDİO: Xäzerge waqıtta Ğiraqtağı AQŞ armiäse tönyaqqa taba xäräkättä tänäfes yasıy. AQŞ soldatları bu tänäfes waqıtında bar iğtibarların tanklarnı häm xärbi maşinalarnı tözätügä yünältä. Bu atnada qom burannarı waqıtında xäräkät itkändä alarnıñ qayberlärendä mexanik problemalar buldı.
Anıñ äytüençä, tänäfes waqıtında xärbilär üzläre belän tağın 5 köngä citärlek azıq-tölek häm su da alaçaq.
Qatarda AQŞ general-mayorı Victor Renuart jurnalistlarğa suğış qırında tänäfes bulmayaçaq disä dä aldağı könnärdä koalitsiä köçläreneñ tä’minät häm elemtä öçen könyaq Ğiraqta kübräk hawa alannarın kontrol’gä aluın belderde.
Bügen AQŞ prezidentı radio aşa atnalıq çığışında bolay dide:
AUDİO: Bez xäzer diktator armiäseneñ iñ qatı bülekläre belän bäreleşäbez. Bäreleş bik qatı bara. Häm bez anıñ küpme däwam itäçägen belmibez. Ämma bez bu suğışnıñ niçek betäçägen beläbez. Ğiraq xakimiäte qoralsızlandırılıp bärep töşerläçäk, Ğiraq irekle bulaçaq.
Cir öste ğäskärläre häm hawa desantı uzğan töndä Nacaf şähärendä Cömhüriät Saqçılarınıñ Mädinä diviziäse belän bäreleşte. Amerikan xärbi citäkçelge äytüençä biredä Ğiraqnıñ 25 tankı häm xärbi maşinası, 50-läp xärbie yuq itelgän. Nacaftan tönyaqtaraq Kerbala şähäre häm başqala Bağdad ta qatı bomba utına totıldı. Bağdad üzägenä häm könyağına bombalar, raketalar töşüe turında xäbär itelä. Ber raketa Ğiraqnıñ mäğlümät ministrlığı binasına tide. Mäğlümät ministrı Äs-Sahaf äytüençä, uzğan täwlek eçendä Bağdadta 62 keşe hälak bulğan, şul isäptän, tınıç xalıq arasında, comğa kiçendä ber bazarğa raketa töşü näticäsendä, 30 keşe hälak bulğan. Äs-Sahaf AQŞ xärbiläreneñ Ğiraq soldatları tınıç xalıq arasına yäşerenep ut aça digän belderüen kire qaqtı:
AUDİO: Ğiraq xärbiläre tınıç xalıq sıman kienä digän arzanlı propaganda faktlarğa häm döreslekkä berniçek tä turı kilmi.
Bügen Küwäyt şähäreneñ diñgez yarına Ğiraq raketası töşep şartlaw näticäsendä 2 keşe yaralandı. Quşma Ştatlar üzeneñ qayber Tomahawk raketalarınıñ yalğış Söğüd Ğärabstanına töşüen tanıp ul tirädä raketalar qullanunı çikläwen belderde. Törkiäneñ könyaq-könçığışndağı Buyuk Murdes awılı yanına kiçä tağın ber raketa yalğışıp töşkän ide. Törkiä xakimiätläre soñğı könnärdä inde 3 raketa töşte dip belderä. Raketa töşkän urınnı qararğa barğan AQŞ xärbilärenä cirle xalıq taşlar atıp höcüm itte.
Bügen Törkiä premyer-ministrı Recep Tayyip Erdogan parlamentta çığış yasap, ägär dä törkiäneñ mänfäğätlärenä qurqınıç yanasa Törkiäneñ tönyaq Ğiraqqa kerü xoquqı bar dip belderde. Törkiä Ğiraqtağı Körlärneñ kiñ avtonomiä aluı törkiäneñ könyaq-könçığışındağı körtlärne dä şuña ruxlandırır dip qurqa.
Naif Aqmal, Praga