Britaniä premiere T.Blair BBCneñ xökümät Ğıraq suğışın aqlau öçen Saddam Xösäinneñ küpläp üterü qoralları qurqınıçın küpertte digän ğäyepläülären kire qaqtı. Blair OBSERVER gazetasına birgän ängämädä xökümät küzläü idaräseneñ Ğıraq arsenalı turındağı mäğlümäten üzgärtte dip äytü kölkele digän .Premier bu minem turılıqlılığıma ciddi höcüm bulıp tora dip BBCnı ğäyepläp, belderüne kire aluların taläp itte. Blair bu turıda Parlamentnıñ tübän palatası ğäyepläülär turındağı üz xisabın iğlan itüdän ber kön elek belderde. BBC üz jurnalisın yaqlarğa däwam itä. Ul may ayında Blair ofisı suğışnı aqlau öçen Ğıraqnıñ ximik häm biologik qorallar turındağı katırğısına üzgäreşlär kertte dip beldergän ide.
