"Amnesty İnternational" häm Xalıqara Helsinki törkeme barlıq qorallı törkemnärne tınıç tormıştağı keşelärgä höcümnären kiçekmästän tuqtatırğa çaqırdı. Mondıy xäräkätlär üz üzen aqlamıy dip belderä xoquq yaqlawçılar. Şul uq waqıtta alar rusiä xäkimiätläre maxsus xezmätneñ üzireklegenä häm başbaştaqlığına çik quyarğa tieş dip assızıqladı. Alar fikerençä, çeçen problemasınıñ haman da çişelmägän buluı şundıy faciğälärgä säbäp bula.
