Tatarstanda qızu häm qorı könnär tora. Küplär inde esselektän tuyıp, qışqı salqınnarnı sağına başlasa da, awıl xucalığında eşläwçelär hawanıñ mondıy torışına şatlana ğına. Nik disäñ, xäzer respublikada urıp-cıyu eşlärenä kereştelär. Tatarstannıñ awıl xucalığı häm azıq-tölek ministrlığı mäğlümatlärenä qarağanda, respublikanıñ bar rayonnarı da diärlek uraqqa töşkän. Barısı 7 meñ gektardan igen inde cıyıp alındı, 20 meñ tonnağa aqın yaña ikmäk ambarlarğa tapşırıldı. Urtaça qalğanda, bıyılğı börteklelär uñışı gektardan 27-28 sentnernı täşkil itä. Şulay itep, respublika qırlarında muldan uñğan aşlıqnı yuğaltularsız cıyıp ta alsalar, belgeçlär fikerençä, Tatarstan bıyıl da rekordlı uñışqa yä bulaçaq.