imbä könne «İnterfax» agentlığı, ORT telekanalı Kaspiy diñgezendä «Rossiä» dip atalğan fänni tikşerenü köymäseneñ bälägä oçrawı turında äytte. Sankt-Peterburg portınnan kilgän şuşı köymä SOS xäbären taratqaç, berençe bulıp qotqarırğa Kaspiy xärbi diñgez flotınıñ «Tatarstan» dip atalğan flagman köymäse kilgän häm kiräkle yärdämne kürsätkän. Yäşel Üzändä berniçä yıl elek yasalğan «Tatarstan» xärbi köymäse şuşı macaradan soñ iğtibar yawladı. «Tatarstan» «Rossiä»ne qotqardı digän mäğlümatnı Rusiä kanalları ällä ni quyırtıp, qabatlap tormadı. Ägär dä «Tatarstan» köymäse Rusiä teploxodın batırdı digän xäbär bulsa, ul barlıq kanallarnı, gäzit bitlären tutırır ide.
