Rusiä belän Ukraina Kerç buğazında tözelgän bua arqasındağı bäxäsne xäl itergä kileşte. Bu turıda ike ilneñ premier-ministrları, Mixail Kasyanov belän Viktor Yanukeviç bügen Mäskäwdä ütkän oçraşudan soñ äytte. Rusiä bua tözüwen tuqtatıp toraçaq, Ukraina Tuzla utrawınnan çik saqçıların çığaraçaq. Aldağı 2-3 ayda tarafar säyläşülär alıp baraçaq. Älege bua Rusiäneñ Krasnodar krayınnan Ukrainanıñ keçkenä genä Tuzla utrawına taba tözelä ide. Ukraina monı Rusiäneñ utrawnı absıp alu niäte dip bäyäläde.
