İsrael xökümäte wäkile Raanan Gissin, Fälestin törkemnäreneñ kiçä Kahirädä ütkän söyläşülärdä urtaq fikergä kilä almawına ükeneç belderde. Hamas, İslam Cihadı häm tağın Fälestin 3 törkeme qatnaşında ütkän oçraşuda, İsraelgä qarşı xöcümnärne tuqtatu mäsäläse tikşerelgän ide. Ämmä söyläşülär näticäsez tämamlandı. Alay da, Yasir Arafatnıñ Fatah partiäse, bu näticäne qabul itmäwen, törkemnärne fikerlären üzgärtergä küderäçägen belderde.
