Tönyaq Korea üzeneñ atom qoralları programması turında 6 yaqlı söyläşülär uñışlı ütsen öçen Quşma Ştatlarnı Tönyaq Koreağa qarata mönäsäbäten üzgärtergä çaqırdı.
Tönyaq Koreanıñ räsmi xäbär agentlığı 6 yaqlı söyläşülärneñ däwam itüennän bu mäs'älägä çişeleş kötü bik awır dip belderä.
Kiçä Tönyaq häm Könyaq Korealar, AQŞ, Qıtay, Yaponiä häm Russiä qatnaşqan söyläşülärneñ çirattağı öleşe tämamlanğaç anıñ uñışlı ütüe turında qarşılıqlı xäbärlär kilde.
Qıtay ışanmawçanlıq däwam itä, ämma söyläşülär sivilizatsiäle ruxta ütte dide. AQŞ bü söyläşülärne citdi häm näticäle dip bäyäläde.
Mart ayında bu söyläşülärne äzerläwçe eşçe törkem Könyaq Koreada cıyılaçaq. Ä 6 yaqlı söyläşülärneñ kiläse öleşe İyül ayında ütäçäk.
