Başqortstan belän Tatarstan Rusiä prezidentı saylawlarında iñ aktiv qatnaşqan ike respublika, dip Rusiäneñ mäğlümat çaraları tawış birü könendä ük iğlan itte. Başqortstannıñ qayber rayonnarında saylawlarda qatnaşu sovet çorındağı 99.9%tan äz genä kim bulğan. Xalıqnıñ bu yulı uzğan yılğı Duma saylawlarınnan da äwzemräk buluın – üz yazmışın üze xäl itäse kilü belän dä añlatalar, ämma töbäklärdäge bezneñ xäbärçelär mäğlümatlärenä qarağanda – tawış birüçelärne şulay da kübräk administrativ basım, xalıqnı arzan tawarlar, yäşlärne tönge klublarğa buşlay biletlar belän qızıqsındırıp saylawğa cälep itkännär.
Mönir Wafin, Ufa
Mönir Wafin, Ufa