Kiçä amerikan oçqıçları Falluca tiräsen utqa totu näticäsendä qorbannar sanı älegä bilgesez bulıp qala. Cirle xastaxanä tabipları äytüenä qarağanda 4 keşe hälaq bulğan, ämmä qayber mäglümät çaraları qorbannar sanı kübräk bulırğa mömkin dip belderä. Amerikan xärbiläre äytüençä, xöcümnär Äbü Musa Äl-Zaqawi sıyınğan dip sanalğan urınnarğa yasalğan. Äl-Zarqawi Ğiraqta amerikannarğa qarşı ğisyannar oyıştıruda ğäyeplänä. Ğiraqnıñ başqa urınnarında bomba şartlawlar näticäsendä Ğiraqnıñ Finans ministrlığı räsmie yaralanğan, koalitsiäneñ ber xärbie hälaq bulğan dip xäbär itelä. Anıñ qaysı ildän ikäne älegä äytelmi.
