Berläşkän Millätlärneñ Kabuldağı wäkile Manuel de Almeida e Silva, Äfğanstanda sintäber ayına bilgelängän berençe demokratik saylawlarnı ütkärü öçen 60 million dollar aqça citmi dip belderde. Donorlardan aqça kilä, läkin bu citärlek tügel, dide ul. Bügenge köngä barlığı 5-yarım million saylawçı terkälgän, terkäw eşläre däwam itä. Äfğanstan prezidentı Xämid Karzai, ğisyançılar yanawına qaramastan, saylawlar, aldan bilgelängänçä, sintäberdä ütäçäk dip belderde.
