Törkiäneñ eçke eşlär ministrı Abdulqadir Aksu, uzğan töndä İstanbul üzägendäge ike oteldä häm şähär çitendäge gaz saqlağıçında bombalar şartlawında – körd ğısyançıları şiklänelä, dip belderde. Ämma bu şartlawlarnıñ ber bersenä bäyle bulu-bulmawı turında Aksu ber süz dä äytmäde. Otellärdä bulğan şartlawlarda 2 keşe hälak bulğan, 11re yaralanğan. Gaz saqlağıçında – yaralanuçılar yuq.
Aksu süzlärenä qarağanda küptän tügel İstanbul polisiäse elekke Kördistan Eşçelär Firqase , PKKnıñ 4 äğzasen qulğa alğan bulğan häm alar dürtese dä köç qullanuğa, häm yül ayında könçığıştağı Tünceli provinsiäse gubernatorına höcüm oyıştıruğa qatnaşı buluda şiklänelä.