İzrail' finans ministrı Benyamin Netanyahu İzrail'neñ Gaza Sızığınnan çigenüe mäs'äläsen ilküläm referendumğa çığarırğa çaqırdı.
Fiker beleşülär xalıqnıñ Gaza Sızığınnan çigenü plannın nıq yaqlawın kürsätä. Ämma premyer-ministr Ariel Şaron xakimiättäge Likud partiäsendä bu mäs'äläne kütärgäç Likudtağı eçke tawış birüdä bu plan 2 märtäbä kire qağıldı.
Gaza Sızığında yäşäwçe yähüdlär dä bu planğa nıq qarşı çığa. Alar üzlären Gaza Sızığınnan çığaruğa qarşılıq kürsätäçäklären belderde. Bügen Netanyahu mäs'äläne ilküläm referendumğa çığaru cämğiättäge büleneşne beterer ide dide.
Elekke premyer-ministr Netanyahu Likud partiäsendä Şaronnıñ töp köndäşe dip qarala.
Şaronnıñ ayırılu planı kiläse yıl axırına Gaza Sızığınnan 8 meñläp yähüdne çığarunı häm Könbatış Yarda 4 keçkenä yähüd utrawın beterüne küzdä tota.
