Rusiä xökümäte Cir şarınıñ cılınuına qarşı Kyoto protokolın ratifikatsiäläw mäs'äläsen irtägä qarıyaçağın belderde.
Prezident Vladimir Putin ministrlarğa bu kileşüne raslarğa quşqan. Kileşüdä süz hawağa yapma tä'sire tudıruçı gazlar çığarunı kimetü turında bara.
Rusiä xökümäte bu kileşüne raslaw mäs'äläsen irtägä qararğa cıyına. Xökümättä raslanğan oçraqta ul parlamentqa tapşırılaçaq.
Bar dönyada yapma tä'sire birüçe gazlarnıñ 55 protsentın çığarqan illär bu kileşüne ratifikatsiälägännän soñ ul ğämälgä keräçäk.
Dönyada mondıy gazlarnı iñ küp çığaruçı il bulğan Quşma Ştatlar Kyoto protokolın raslamıyaçağın belderde. Rusiä dönyadağı yapma tä'sire birüçe gazlarnıñ 17 protsentın çığara. Rusiä ratifikatsiäläsä kileşü ğämälgä keräçäk.
