Çärşämbedä Abxaziäneñ üzäk saylaw komissiäse iñ küp bäxäs uyatqan Gali rayonında qabat saylawlar iğlan itte. Başqa rayonnarda saylawlar ğämäli dip tanıldı. Andağı näticälärgä kürä älegä opozitsiä namzäte alda bara.
Nigezdä bu qarar Abxaz konstitutsiäsen bozu bulıp tora. Konstitutsiägä kürä, qabat saylawlarnı ayırım rayonda tügel, ä bar Abxaziädä genä ütkärep bula. Saylaw komissiäse räise Sergei Smır süzlärençä, alar bu bozuğa "Abxaz xalqınıñ mänfäğäten iskä alıp" bara, östäwenä 5 namzätneñ barısı da bu qarar belän kileşkän. Şuşı qarar qara diñgez buyında urnaşqan keçkenä genä Abxaz töbägendäge wazğiätne beraz tınıçlandırır sıman. Saylaw näticäläre iğlan itelmiçä, ike töp namzät ber-bersen xärämäläşüdä ğäyeplägän sürättä sişämbedä kierenkelek yuğarı noqtasına citkän ide. Xäzerge prezident Vladislav Ardzinbanıñ warisı, Rusiä taraflı premier-ministr Raul Xajimba üzeneñ töp köndäşen, millätçel opozitsiä namzäte Sergei Bagapşnı Gali töbägendä tawışlarnı urlawda ğäyepläde. Anıñ süzlärençä, saylawçılar tawış birergä kilgändä dokumentların kürsätmägän, ber ük keşe 3-4 keşe öçen imza quyğan:
Audio (Raul Xajimba)
Xajimba bar Abxaziädä qabat saylawlar ütkärergä taläp itte. Şunısı qızıq, düşämbedä ul 50dan artıq % çıyğanı häm üzeneñ ciñüe turında äytkän ide. Ämmä saylaw komissiäse, Gali rayonın sanamıyça, iğlan itkän näticälärgä kürä Bagapş 35 meñ, Xajimba 30 meñ çaması tawış cıyğan. İsegezgä töşeräm, Abxaziädä saylaw xoquqlı ni barı 120 meñ keşe bar. Tawış birergä şularnıñ 80 meñe kilgän ide.
Şulay itep, Saylaw komissiäse qabat saylawlarnı ber Gali rayonında ğına ütkärergä qarar itte. Asılda bu qarar Xajimba tügel, Bagapş faydasına. Zamanıda komsomol citäkçese, soñnan Abxaziä Gruziädän bäysezlek dawlağan çorda premier-ministr bulıp torğan Bagapş xäzerge waqıtta Çernomorenergo şirkäten citäkli. Anı Abxaziäneñ ike töp opozitsiä xäräkäte yaqlıy: Berläşkän Abxaziä belän Aitaira, yağni Yañarış xäräkäte. Monnan tış 1992-93 yıllar gruzin-abxaz suğışı veterannarı tözegän Amtsaxara törkeme dä aña xuplaw belderä. Şuña da qaramastan, Bagapşnıñ Gali töbägendäge gruzinnar arasında da şaqtıy abruyı bar. Distä yıl elek bäreleşlär waqıtında töbäktän kitkän gruzinnar soñı yıllarda anda kire qayta. Qısqası, Galida ütäçäk qabat saylawlarda Bagapş citärlek sanda tawış qazana ala, bigräk tä, 5 namzätneñ barısı da qatnaşqan oçraqta. Sişämbedä saylaw komissiäse yanına cıyılğan tarafdarları aldında çığış yasap, Bagapş, bu qabat saylawlarda ciñep çığaçağın belderde:
Audio (Sergei Bagapş)
Gali töbägendä qabat tawış birülär 17 üktäberdä ütäçäk.
-Ali Gilmi
Audio (Raul Xajimba)
Xajimba bar Abxaziädä qabat saylawlar ütkärergä taläp itte. Şunısı qızıq, düşämbedä ul 50dan artıq % çıyğanı häm üzeneñ ciñüe turında äytkän ide. Ämmä saylaw komissiäse, Gali rayonın sanamıyça, iğlan itkän näticälärgä kürä Bagapş 35 meñ, Xajimba 30 meñ çaması tawış cıyğan. İsegezgä töşeräm, Abxaziädä saylaw xoquqlı ni barı 120 meñ keşe bar. Tawış birergä şularnıñ 80 meñe kilgän ide.
Şulay itep, Saylaw komissiäse qabat saylawlarnı ber Gali rayonında ğına ütkärergä qarar itte. Asılda bu qarar Xajimba tügel, Bagapş faydasına. Zamanıda komsomol citäkçese, soñnan Abxaziä Gruziädän bäysezlek dawlağan çorda premier-ministr bulıp torğan Bagapş xäzerge waqıtta Çernomorenergo şirkäten citäkli. Anı Abxaziäneñ ike töp opozitsiä xäräkäte yaqlıy: Berläşkän Abxaziä belän Aitaira, yağni Yañarış xäräkäte. Monnan tış 1992-93 yıllar gruzin-abxaz suğışı veterannarı tözegän Amtsaxara törkeme dä aña xuplaw belderä. Şuña da qaramastan, Bagapşnıñ Gali töbägendäge gruzinnar arasında da şaqtıy abruyı bar. Distä yıl elek bäreleşlär waqıtında töbäktän kitkän gruzinnar soñı yıllarda anda kire qayta. Qısqası, Galida ütäçäk qabat saylawlarda Bagapş citärlek sanda tawış qazana ala, bigräk tä, 5 namzätneñ barısı da qatnaşqan oçraqta. Sişämbedä saylaw komissiäse yanına cıyılğan tarafdarları aldında çığış yasap, Bagapş, bu qabat saylawlarda ciñep çığaçağın belderde:
Audio (Sergei Bagapş)
Gali töbägendä qabat tawış birülär 17 üktäberdä ütäçäk.
-Ali Gilmi