Ukraina parlamentı utırışında bügen xökümätkä ışanıçsızlıq belderü qararı qabul itelmäde. Utırış barğan bina tiräsenä bärep kergän Yuşçenko tarafdaraların tärtip saqlawçılar köç qullanıp kire borıp cibärgän. Parlament utırışı irtägä däwam itäçäk. Ukrainanıñ könçığışında aldağı yäkşämbe uzaçağı xäbär itelgän referendum bu atnada ütmiäçäk. Donetski ölkä başlığı Anatoliy Bliznyuk süzlärenä qarağanda, könçığış rayonnarğa avtonomiä birü turında referendum soñıraq ütäçäk. Kievqa yañadan Yevropa Berlegeneñ tışqı säyäsät başlığı Javier Solana'nıñ kilüe kötelä. Şulay uq irtägä Ukrainağa Polşa prezidentı Aleksander Kwasniewski kiläçäk.
