Qıtay premier-ministrı Wen Jiabao, Yevropa Berlegen Qıtayğa kertelgän qoral embargosın alırğa çaqırdı. Anıñ süzlärençä, bu çikläwlär "salqın suğış çorınnan qalğan" häm ike taraf arasındağı xäzerge partnerlıq mönäsäbätlärne çağıldırmıy. Jiabao bü belderüen bügen Haagada Yevropa Berlege räsmiläre belän oçraşqaç yasadı. Oçraşudan soñ qabul itelgän urtaq belderüdä, Yevropa Berlege, Qıtayğa kertelgän çikläwlärne beterü yünäleşendä eşne däwam itergä niäten belderä. Berlektä räislek itkän Hollandia çit il ministrı Ben Bot, oçraşu aldınnan, Yevropa Berlege bu çikläwlärne xäzer ük beterergä äzer tügel, alar kiläse yılğa alınır digän ömet belderde. Qıtayğa qoral çikläwläre 1989 yılda, Tian-an-men mäydanında protest belderüçelärne bastıru waqiğasınnan soñ kertelgän ide.
