Bişkäk. Parlament saylawlarınıñ berençe turında bulğan xärämläşülärne xökem itep Qırğızstanda bügen dä uram cıyınnarı däwam itte. İrtägä tawış birüneñ ikençe öleşe uzarğa tieş. Cälälabad şähärendäge cıyında 2 meñläp keşe qatnaşa, Tokmok şähärendä 200-läp keşe Çuy ölkäse xakimiateneñ binası qarşında piket tota dip xäbär itelä. Uzğan tönnän birle ber törkem keşe Tokmoknı başqala Bişkäk belän totaştırğan yulnı yabıp tota. Qarşılıq çaraları Narın ölkäsendä häm Bişkekneñ üzendä dä bulğan dielä.
