Yaponiä xakimiätläre ilneñ könyağında bügen köçle cir teträw buldı, ölkän yäştäge ber xatın-qız ülde, kimendä 250 keşe yaralandı dip belderä.
Kyuşu utrawı yarlarınnan 70 çaqrım yıraqlıqta Rixter ülçäme belän 7-nçe däräcädäge cir teträw bulğan. Räsmilär äytüençä, tirbäleş üzäge tirän bulmağan okean töbenä turı kilgän.
Su häm gaz, şulay uq elektr tä'minäteneñ beraz özelep toruı turında äytelä.
Cir teträwdän soñ aftomat iminlek sisteması timer yul xäräkäten tuqtatıp torğan.
Kyuşu yanındağı keçkenä Genkay utrawında binalar cimerelgän, tüşämnär işelgän, andağı ber yözläp keşe öylärennän çıqqan.
