Kiläse atnada Qazanda urnaşqan Rusiä İslam Universitetı üzeneñ mäğlümati portalın kiñ cämäğätçelekkä täqdim iteläçäk. Saytnı xäzer uq açıp qararğa bula. Anıñ adresı www.e-riu.ru. Anda İslam Universitetı, anıñ açılu tarixı, anda uqıtılğan belgeçleklär, urnaşqan adresı – barlıq mäğlümatnı tabıp bula. İslam turında qızıqsındırğan sorawlarnı birergä, namaz uqu waqıtın da beleşergä mömkin. Ämma bu internet säxifäneñ urıs telendägesennän tış, başqa bülekläre yuq. Avtorlar tatar häm ingliz telendä saytnı yasarğa kiräk dip tapmağannar.
Watikan tiräsendäge xällär ozaq waqıt dönya cämäğätlegeneñ iğtibarın cälep itep tora. Yaña Papa saylanğaç, Watikandağı xällärgğä iğtibar yañadan arttı. Räsmi mäğlümat çaralrı xäbär itkänçä, Yaña Papa Bendedikt XVİ nçı berençe eşlärneñ berse itep, maxsus internet e-mail buldırğan - benedettoxvi@vatican.va Aña gadi katoliklar xatlar yullıy ala ikän. Şulay uq, Yaña Papanıñ räsemnäre şunduq, e-bye.ru, digän internet auksionda satıla başlağan. Räsemneñ bäyäse – 2, 500 dollarğa qädär meñgän.
www.zelenodolsk.ru , Yäşel üzän şähäreneñ internet säxifäsendä barğan on-line çibärlek bäygesendä «Mart ayı» ciñüçese bilgele buldı. Ul – Yüliä Adiätullina isemle 18 yäşlek qız. Xäzerge köndä, Çibärlek bäygeläre, menä şulay, internet aşa, ber tien aqça sarıf itmiçä genä ütä. Qızlarnıñ räsemnäre elenä, häm alarğa tawış birü başlana. Kemgä iñ küp tawış birelä, şul ciñüçe bula. Şundıy uq, on-line internet bäyge, Rusiä buyınça, Dönya çibäre bäygese iseme öçen ütte. Ul 18 aprel’dä tämamlandı. Andağı ciñüçe, şulay uq, internet aşa birelgän tawışlar arqılı bilgelände. Bäygeneñ Rusiä öleşendä Rostov Don şähärennän 19 yäşlek qız ciñde. Ul xäzer dönya çibärlär bäygesendä Rusiä isemennän qatnaşaçaq. Bu saytnıñ adresı - miss.rambler.ru
Başqorstanda külämle oppozitsiä cıyılışları ütä başlağaç, başqort internetına da iğtibar arttı. Säxifälär daimi tulılana başladı. Forumda da qaynar bäxäslär kitte. Anıñ qaytawazı Tatarstan forum büleklärendä dä işetelde. İntertat.ru saytınıñ forumında Başqotostanğa qağılışlı mäqälälär basıldı, söyläşü dä başlanğan ide, ämma ul ozaqqa barmadı, tuqtadı. www.ufaweb.ru. saytında xällär başqaça buldı. Anda oppozitsiä wäkile Ramil Bignov turında zur mäqälälär basıldı. Forumda, kiñ külämle fiker alışular bardı. www.mkufa.ru, www.evraziä.org häm başqa säxifälärdä Başqortstandağı xällärne küzätep barırğa mömkin ide. www.bashinform.ru mäğlümat agentlığı häm başqa yañalıqlar portallarında Başqortstandağı säyäsi ictimaği wäzğiätkä iğtibar zur bulıp qala. Ä Başqortostan Prezidentı tiräsendäge söyläşüne www.yeshlek.ru saytında oçratıp bula. (yeshlek.ru/forums/index.php?showtopic=508&pid=5940&st=0&#entry5940)
Bikä Timerova.