1940nçı yılda sovet xärbi köçläre tarafınnan "Katın urmanında" üterelgän Polşa ofiserlarınıñ tuğannarı bügen Warşawdağı Rusiä ilçelege yanında cıyılıp Mäskäwneñ älege cinäyätne genosid itep tanuın taläp itte.
5 meñgä yaqın Polşa ofiserı häm ziyalılar diktator Stalin färmanı nigezendä eçke eşlär komissariatı, NKVD tarafınnan atıp üterelgän. Barlığı 1940nçı yılda Katın, Mednoye häm Xarkov yaqlarında 20 meñnän artıq polyak hälak bulğan.
Sovetlar ozaq waqıt bu üterülärne nazilar oyıştırdı dip belderep kilde. Barı tik 1990nçı yılda sovet prezidentı Mixail Gorbaçev , Sovetlar Berlegeneñ waxşileklär öçen cawaplılıqnı üz östenä aluın äytte.
