Ğiraq belän Süriä çik buyında amerikan ğaskärläre Matador dip isemlängän xärbi çaranı däwam itä. Kiçä Al-Qaim şähärendä cirle köndäş törkemnär arasında bäreleşlär bulğan, anda amerikan xärbiläre qatnaşmağan, dip xäbär itelä. Çara barışında 100dän artıq ğısyançı hälak bulğan, alar Jordanlı sönni yulbaşçı Abu Musab al-Zarwaqi tarafdarları bulğan, dip xäbär itelä. AQŞ maxsus xärbi köçläreneñ 9 ğäskärie hälak bulğan.
Bağdad häm Baquba şähärlärendä intixar höcümnärendä 4 keşe hälak buldı, 4se yaralandı.
Bağdadnıñ könyaqtağı Dora şähärendä yul buyında bomba şartlap 3 keşe hälak buldı.
