Közge sessiädä 55 qanun ölgese qaralaçaq. Şular arasında iñ möhimnäreneñ berse – Konstitutsiägä üzgäreşlär kertü. Bu turıda Däwlät cıyılışı başı Konstantin Tolkaçev belderde. Anıñ süzlärenä qarağanda, Konstitutsiädäge respublika başın saylawğa qağılışlı mäddälärgä üzgäreş kerteläçäk. Ul Rusiä Prezidentı Vladimir Putinnıñ töbäk citäkçelären yañaça bilgeläw tärtibe kertüenä bäyle. Mäğlüm buluınça, subyekt citäkçeläre xäzer xalıq tarafınnan saylanmıy, ä il başınıñ täqdime belän cirle parlamentlarda raslana.
