Nacaf -- Ğiraqnıñ yaña konstitutsiäse turında söyläşülär bara. Ul arada şiğilär citäkçese Äbdel Ğäziz Äl-Xäkim Ğiraqnıñ könyağında şiğilärneñ avtonom töbägen tözergä çaqırdı:
"Üzäk-könyaq töbäkkä kilgändä, andağı xalıqnıñ urtaq sifatların, alarğa qarata alıp barılğan ğädelsez säyäsätne iskä alıp, bez anda ayırım ber töbäk tözergä täqdim itäbez."
İslam İnqilabınıñ Yuğarı Şurası dip atalğan däräcäle oyışma başlığı Äl-Xäkim bu belderüen Nacafta distälägän meñ tarafdarı aldında yasadı. Şiğilär üz xoquqların yaqlarğa teläsä, mondıy avtonom töbäk bik möhim, dide ul. Tözelgän oçraqta mondıy töbäkkä Ğiraqnıñ yartı xalqı häm dä Basra tiräsendäge neft yatmaları keräçäk. Premier-ministr İbrahim Cäğfäri'neñ matbuğat wäkile Laith Kubba, şiğilär öçen ayırım töbäk tözü fikeren "qabul itep bulmaslıq" dip atadı. Neft yatmaların büleşü häm federalizm mäsäläläre Bağdadta barğan yaña konstitutsiä turındağı söyläşülärdä töp mäsälälär bulıp tora. Konstitutsiä ölgese Awgustnıñ 15nä äzer bulırğa tieş.
Ul arada, bügen Ğiraqta bulğan bäreleşlärdä kimendä 8 keşe häläk bulğan, dielä.
"Üzäk-könyaq töbäkkä kilgändä, andağı xalıqnıñ urtaq sifatların, alarğa qarata alıp barılğan ğädelsez säyäsätne iskä alıp, bez anda ayırım ber töbäk tözergä täqdim itäbez."
İslam İnqilabınıñ Yuğarı Şurası dip atalğan däräcäle oyışma başlığı Äl-Xäkim bu belderüen Nacafta distälägän meñ tarafdarı aldında yasadı. Şiğilär üz xoquqların yaqlarğa teläsä, mondıy avtonom töbäk bik möhim, dide ul. Tözelgän oçraqta mondıy töbäkkä Ğiraqnıñ yartı xalqı häm dä Basra tiräsendäge neft yatmaları keräçäk. Premier-ministr İbrahim Cäğfäri'neñ matbuğat wäkile Laith Kubba, şiğilär öçen ayırım töbäk tözü fikeren "qabul itep bulmaslıq" dip atadı. Neft yatmaların büleşü häm federalizm mäsäläläre Bağdadta barğan yaña konstitutsiä turındağı söyläşülärdä töp mäsälälär bulıp tora. Konstitutsiä ölgese Awgustnıñ 15nä äzer bulırğa tieş.
Ul arada, bügen Ğiraqta bulğan bäreleşlärdä kimendä 8 keşe häläk bulğan, dielä.