Bagdad. Ğiraqnıñ başqalasınnan alınğan xäbärgä qarağanda, ber törkem qorallı keşe bügen anda ilneñ Üzäk bankı mödire Xäsib Cuwaidne urlap kitkän. Politsiä häm urlanğannıñ tuğannarı, bu yäkşämbe irtän, Cuwaibneñ Bagdadtağı yortı yanında buldı, anı urlawçılar ike maşina belän kilgän ide dip belderde. Aqça alu öçen häm säyäsi säbäplärdän Ğiraqta meñlägän keşe urlana, moñardan tış andağı ğisyançılar amerikannar yaqlağan xökümätkä häm çit il ğäskärilärenä qarşı intihar höcümnäre yasap tora. Quşma Ştatlarnıñ Ğiraqtağı xärbiläre bügen soñğı täwlektä genä anda 6 ğäskärineñ hälak buluı xaqında xäbär itte.
