Rixter ülçäwe belän 7.6 ball köçendäge cir teträw bügen Paqstan, Hindstan häm Äfğanstanda sizelde. Zilziläneñ üzäge Paqstan belän Hindstan çigendä bulğan. Meñlägän keşe panikağa birelep öylären taşlap qaçqan, räsmiläre süzlärenä qarağanda ülüçelär sanı meñgä yaqın bulırğa mömkin.
Cir teträw ber genä minut däwam itte, ämma ul – däxşätle ber minut ide. Tiz arada Paqstan başqalası İslamabadta cimerek binalar astında qalğannarnı qotqaru eşläre başlandı. Küplär yaña cir teträwdän qurqıp uramnarda qaldı. İslamabadta yäşäwçe Mälik Abdul Mannan mondıy xälne ğömerendä dä kürmägän:
"Bügen irtän qotoçqıç qatı cir teträw buldı, härberebez uyanıp uranğa yögerep çıqtı. Ozaq waqıt xälgä kilä almadıq. Mondıy zilziläne äle ber qayçan da kürgänebez yuq ide," dide İslamabad keşese.
Tönyaq Paqstandağı töbäklärdä zilzilä näticälären beterügä xärbi köçlär cälep itelde. Episentrğa yaqın bulğan Kaşmirnıñ Paqstan öleşendä cir teträwdä qayber awıllar uq yuq itelgän, dip xäbär itelä. Kaşmirnıñ Hindstan öleşendä 30ğa yaqın keşe häläk bulğan, dip farazlana. Afzal isemle ir bala cir teträw başlanğanda mäktäptä bulğan:
"Bez därestä utıra idek, ber waqıt cir teträw başlandı. Bez cirgä yattıq, soñınnan binadan çığıp yögeredek," dide mäktäp uquçısı.
Äfğanstannıñ Qabul häm Mazar-İ-Şärif şähärlärendä xalıq zilzilä başlanğaç ta öylärennän çığıp ölgergän. İlneñ Nangahar vilayätendä üz öye cimerelep 11 yäşlek qız bala häläk bulğan. Azatlıq radiosınıñ Qabuldağı xäbärçese Breşna Nazari şularnı xäbär itte:
"Berençel mäğlümatlärgä qarağanda, cir teträw Qabul tiräsendä bulğan. Ämma iñ zur ziyan ilneñ tönyağındağı Badaxşan, Taxar häm Pärwan provinsiälärenä kilgän. Anda cir teträw köçle bulğan"... Bu azatlıq radiosınıñ Qabuldağı xäbärçese Breşna Nazari ide.
Belgeçlär küptän bu töbäktä zilzilä bulu ixtimalı turında farazların belderep kilde. Ämma bu cir teträw, farazlardan köçleräk buldı.
alsu qormaş
"Bügen irtän qotoçqıç qatı cir teträw buldı, härberebez uyanıp uranğa yögerep çıqtı. Ozaq waqıt xälgä kilä almadıq. Mondıy zilziläne äle ber qayçan da kürgänebez yuq ide," dide İslamabad keşese.
Tönyaq Paqstandağı töbäklärdä zilzilä näticälären beterügä xärbi köçlär cälep itelde. Episentrğa yaqın bulğan Kaşmirnıñ Paqstan öleşendä cir teträwdä qayber awıllar uq yuq itelgän, dip xäbär itelä. Kaşmirnıñ Hindstan öleşendä 30ğa yaqın keşe häläk bulğan, dip farazlana. Afzal isemle ir bala cir teträw başlanğanda mäktäptä bulğan:
"Bez därestä utıra idek, ber waqıt cir teträw başlandı. Bez cirgä yattıq, soñınnan binadan çığıp yögeredek," dide mäktäp uquçısı.
Äfğanstannıñ Qabul häm Mazar-İ-Şärif şähärlärendä xalıq zilzilä başlanğaç ta öylärennän çığıp ölgergän. İlneñ Nangahar vilayätendä üz öye cimerelep 11 yäşlek qız bala häläk bulğan. Azatlıq radiosınıñ Qabuldağı xäbärçese Breşna Nazari şularnı xäbär itte:
"Berençel mäğlümatlärgä qarağanda, cir teträw Qabul tiräsendä bulğan. Ämma iñ zur ziyan ilneñ tönyağındağı Badaxşan, Taxar häm Pärwan provinsiälärenä kilgän. Anda cir teträw köçle bulğan"... Bu azatlıq radiosınıñ Qabuldağı xäbärçese Breşna Nazari ide.
Belgeçlär küptän bu töbäktä zilzilä bulu ixtimalı turında farazların belderep kilde. Ämma bu cir teträw, farazlardan köçleräk buldı.
alsu qormaş