Yewropa komissiäse AQŞ üzäk küzläw idaräse CİAnıñ Könçığış Yewropada yäşeren totqarlaw üzäge buluı turındağı xäbärne tikşeräçägen belderde.
Yewropanıñ keşe xoquqların küzätüçe töp oyışması bulğan Yewropa Şurası da bu xäbärne tikşeräçägen belderde.
Kiçä Washington Post gazetı CİAnıñ äl-Qaidä suğışçıları dip şiklänüçelärne totqarlaw öçen dönyanıñ törle urınnarında 8 törmäse bar, şularnıñ berse Könçığış Yewropada dip yazıp çıqqan ide. AQŞ räsmiläre bu xäbärne raslamadı da kire dä qaqmadı. Bügen qayber Könçığış Yewropa illäre üzläreneñ bu eştä qatnaşmawın belderde.
Romaniä küzläw xezmäte süzçese Marius Bercaru Buxarestta matbuğat oçraşuında "Romaniä küzläw xezmätendä ildä mondıy totqawlaw üzäkläre buluın raslawçı mäğlmät yuq" dide.
Bolğarstan, Pol'şa, Çexiä, Ärmänstan, Gruziä, Latviä häm Macarstan da üzlärendä AQŞ totqarlaw üzäkläre bulmawın belderde.
